Isang mataas na opisyal ng pambansang seguridad ng Pilipinas ang nagsabi noong ika-29 na malawak ang spy network ng China sa Pilipinas, at ang mga kamakailang nahuling mga espiyang Chinese ay "tip ng iceberg" lamag. Ayon kay Jonathan Malaya, tagapagsalita ng National Security Council (NSC), inaasahan pa ang karagdagang mga pag-aresto sa mga susunod na araw at maglalabas pa ang gobyerno ng higit pang mga kasong na-uncover.

Tinatayang dalawang linggo na ang nakalipas nang arestuhin ng mga ahente ng NBI ang isang Chinese na si Deng, na matagal nang nakatira sa Pilipinas. Inakusahan siyang nagmamaneho ng sasakyan na may mga kagamitan pang-surveillance upang mangalap ng impormasyon hinggil sa mga military base.

Noong ika-25 ng Enero, itinanggi ng Embahada ng China ang mga paratang, at sinabi ng asawa ni Deng noong ika-27 ng Enero na hindi siya espiyang Chinese. Ngunit ayon kay Malaya, matagal nang mino-monitor si Deng at may sapat na ebidensya ang gobyerno laban sa kanila.

Binanggit din ni Malaya na si Deng ay "tip ng iceberg" lamang ng espionage activities ng China sa Pilipinas. Kumpirmado rin nila na ilang Chinese ang nahuli sa Palawan dahil sa espionage, kabilang ang mga nagkuha ng video ng Philippine Coast Guard vessels.

Ayon kay Malaya, patuloy ang imbestigasyon at inaasahan pang maraming mahuhuli. Nanawagan din siya sa publiko na mag-ulat ng mga kahina-hinalang tao.